.comment-link {margin-left:.6em;}

The Father: Truth Teller, The Mother: Aya granny, Daughter 1: Najma, Daughter 2: HNK.

Wednesday, March 15, 2006

قصيدة من الانترنيت لا اعرف قائلها

شلون زمن؟

كالولنه راح صدام كلنا راح نرتاح........ ولو هو جان قافل علينه بالمفتاح

شو هوه راح شيطان جوي بمكانه........ كل واحد بيهم ابليس وجايب اخوانه

شفت ابليس اليوم كاعد ديبجي........ كتله انته شبيك لك فدوة احجي

كال ما بقيت ابليس من ضاع دفتري........ بيه جدول الاعمال وباكه الجعفري

لا شفنا منهم شي ولا حملة اعمار........ تالي متالي بهالزمن يحكمنا واحد عار ؟؟؟

هم جان اكو بانزين وحصه تموينية........ وجنا بس انخاف من العسكرية

الحصه صارت صابونه كل خمسة شهور........ شنسوي بيها احنا والبوري مكسور ؟

النفط جان صدام يوزعه بمزاجه........ هسه النفط يا ناس ما عاد له حاجه

ابحرك الاعصاب احنا اندفي البيوت........ بدل ما نحرك خشب انسوي بيه تابوت

كبل اللي يموت يا ناس جثته يدفنوها........ وهسه ليموت جثته بشارع يذبوها

كلشي ما زاد بها البلد بس زادت الكبور........ لهسه ما شفنا اللحم بس راوونه ساطور

والكهرباء يا عيني ما ينذكر طاريها........ وابحجة الازمات اللمبة كاز ما بيها

المبرده اليوم صارت قفص طيور........ وسويت الثلاجه لهدومي كنتور

صبرنا وصبرنا طال والصبر لله........ كافي ضحك علناس مصخوها مو بله ؟

ما ننتظر منكم شي لأنكم غربان........ حمدا لله والشكر ربنا الرحمن

1 Comments:

Blogger MixMax said...

والله شر البلية مايضحك

بس مااشوف اي داعي للمقارنة بين وقت صدام والوضع الان. شيطان راح وخلف وراه الف شيطان
ثم اللي يصير بالعراق الان جزء منه سببه جماعة صدام وجزء التراكمات من حكم صدام والباقي من حثالة الارض من شرقها وغربها اللي صاروا يسرقون البلد عيني عينك وبالاخر جاءت الحكومة تكملها

9/20/2006 07:54:00 AM

 

Post a Comment

Links to this post:

Create a Link

<< Home

 

Click here to submit your site to the search engines for free!